Фудбалската репрезентација на Турција феноменално ги стартуваше квалификациите за СП 2022 во Катар. Стигна и до втората победа во групата, и тоа убедлива (0-3) против против Норвешка на гости. Озан Туфан во четвртата минута ја доведе Турција во водство, Чаглар Сујунџу во 28.минута зголеми на 0-2, а Туфан со вториот гол само стави точка на триумфот.
Хрватска ја совлада селекцијата на Кипар со 1-0, со голот на Марио Пашалиќ.
Холандија славеше против Летонија со 2-0. За „лалињата“ погодија Стивен Берхуис и Лук де Јонг.
Русија оствари триумф против Словенија со 2-1, Белорусија ја совлада Естонија со 4-2, Црна Гора беше убедлива против Гибралтар (4-1).
