Највисокиот триумф во историјата и едно непријатно реми – против стариот познаник Лихтенштајн

Македонија многу често имаше можност да ги одмери силите со селекцијата на Лихтенштајн низ историјата. Меѓусебно имаме одиграно девет натпревари во неколку различни квалификациски циклуси. Македонија е со позитивен баланс без пораз, со осум победи, но и едно непријатно реми. Вкупната гол разлика е 33 постигнати и само 5 примени голови.

Највисоката победа на Македонија е токму против Лихтенштајн на гостински терен, натпревар одигран на 09.11.1996. Крајниот резултат беше 1:11, и тоа се уште се раскажува и после четврт век.

Македонија ќе има шанса за продолжување на победничката серија против Лихтенштајн утревечер, со почеток во 20.45 часот, на арената „Тодор Проески“.