Легендарниот холандски фудбалер, еден од најдобрите напаѓачи на крајот на минатиот милениум, Марко Ван Вастен, смета дека фудбалот би бил многу подобар без офсајд.
„Би сакал да покажам дека фудбалот без офсајд е можен, дури мислам дека би бил и подобра игра. Фудбалот е возбудлива игра, но можеме да направиме да стане уште подобра…Треба да се поработи сериозно на некои промени“, изјави Ван Бастен.
Поранешниот голгетер најави дека во скоро време ќе се потруди да иницира дебата со истакнати фудбалски луѓе на оваа тема.
