Нојер: Германија сака убедлив триумф против Македонија

Фаворитот во групата, селекцијата на Германија, очекува сигурни победи на трите натпревари на стартот од квалификациите за СП 2022 во Катар. Третиот меч во низата ќе се одигра во Дуисбург, а ќе гостува Македонија.

Голманот Мануел Нојер изјави дека Германците сметаат на убедлив триумф против нашиот национален тим.

„Сакаме да оствариме сигурни и убедливи победи, да се подготвиме воедно подобро и за Европското првенство кое се игра во јуни“, изјави Мануел Нојер.