Етичкиот комитет на ФИФА му изрече нова суспензија на поранешниот претседател Сеп Блатер. Според информациите од ФИФА тој бил по истрага за различни прекршувања на етичкиот кодекс на организацијата, пред се за исплатени бонуси во врска со со натпреварувања во организација на ФИФА.
Комитетот донел одлука дека Блатер, а и Жером Валке го прекршиле кодексот и затоа и двајцата добиваат нова супензија. Двајцата добија и парична казна од по еден милион швајцарски франци.
Со оглед дека на Блатер супензиите изречени во 2015 и во 2016 уште не му се завршени, новата суспензија ќе почне да тече дури по нивното комплетирање, првата во октомври годинава ,а втората во 2025.
