Богатинов со јубилеен 150. настап за Етникос Ахна на Кипар (ФОТО)

Македонскиот репрезентативец Мартин Богатинов прослави голем јубилеј на Кипар. Тој го одигра 150. натпревар во дресот на кипарскиот прволигаш Етникос Ахна. Доби и убав подарок, врамен клупски дрес со неговото име и бројот на настапите. Македонскиот чувар на мрежата ја носи и капитенската лента во тимот.

Богатинов од 2015 година е во Етникос Ахна, претходно на Кипар настапуваше и за Ермис, а беше дел и од Стеауа, Карпати Лвов, во Македонија настапуваше за Силекс, Цементраница, Вардар, Тетекс и за Работнички.