Холандскиот интернационалец Џорџинио Вајналдум ќе биде првото засилување на Хоан Лапорта во неговата нова ера во Барселона. Фудбалерот за врска веќе потпишал преддоговор со клубот и доаѓа на „Камп Ноу“ како слободен агент за почетокот на следната сезона.
Вајналдум ја прифати понудата на Роналд Куман со кого соработуваше во фудбалската репрезентација на Холандија. 30-годишниот играч од средниот ред го носи дресот на Ливероул од 2016 година и за „црвените“ одигра 169 натпревари и постигна 16 гола. За националниот тим на Холандија има 70 одиграни натпревари.
