Италијанскиот калчолигаш Специја има посебен повод за радост. Откако првпат во клупската историја се наоѓа во елитата, Специја по цели 85 години повторно има и репрезентативец на Италија.
Матео Ричи, 26 годишниот играч од средниот ред доби повик од Роберто Манчини во ростерот на италијанската фудбалска репрезентација за квалификациите за СП 2022 во Катар.
Ако дебитира против Северна Ирска, Бугарија или против Литванија, Ричи ќе стане прв играч на Специја во националниот тим уште од 1936 година, кога за Италија заигра Луиџи Скабарале. Тој одигра два меча во дресот на Италија.
