Напаѓачот на Ливерпул, Дивок Ориги, би можел да ја продолжи кариерата во Германија, пренесуваат медиумите на Островот. Борусија Дортмунд е заинтересирана за 25-годишниот Белгиец кој не добива голема шанса кај менаџерот на „црвените“, Јирген Клоп.
Германскиот бундеслигаш претстојното лето може да го купи играчот за 14 милиони евра. Тој можеби треба да биде и замената за Ерлинг Халанд кој е цел на најголемите европски клубови.
Оваа сезона Ориги одигра 17 натпревари во дресот на Ливерпул, на кои постигна еден гол и забележа една асистенција.
