Стефан Лихтштајнер, поранешниот фудбалер на Арсенал, Лацио и на Јувентус, изненади со одлуката да стане часовничар по завршувањето на одличната фудбалска кариера. Швајцарецот сака на продуктивен начин да го пополни времето и да работи.
„Сакам да бидам продуктивен и да работам нешто паметно“, изјави 37-годишниот Лихтштајнер кој почна да се обучува во новата дејност.
Лихтштајнер има за цел да изработи еден часовник и да го продаде во добротворни цели. Тој запиша 108 настапи за фудбалската репрезентација на Швајцарија во текот на фудбалската кариера.
