Капитенот на Тотенхем и на англиската фудбалска репрезентација, Хари Кејн, се очекува да биде прва ѕвезда на летниот преоден рок на Островот. Медиумите во Англија најавуваат дека тој сака да замине од Лондон.
Кејн е свесен дека го достигнал зенитот во тимот на Тотенхем и сака да замине во голем европски клуб каде каде ќе има можност да освојува трофеи. Тотенхем добро ја почна сезоната, но сега веќе сериозно заостанува во трката дури и за позициите кои носат во Лигата на шампионите.
Хари Кејн има договор со Тотенхем до 2024 година, но сака да си замине на крајот од оваа сезона.
