Аргентинскиот интернационалец Мауро Икарди најверојатно ќе се врати во Серија А по завршувањето на оваа сезона и тоа повторно во Милано. Но, не во дресот на Интер, туку во градскиот ривал Милан.
Маурисио Покетино многу повеќе му верува на Моисе Кин во нападот, а крилните позиции се резервирани за Килијан Мбапе и за Анхел Ди Марија. Офанзивниот квартет го заокружува Нејмар, што значи дека за Икарди и нема преголем простор за минутажа.
Милан во Мауро Икарди го гледа можеби и идеалниот наследник на Златан Ибрахимовиќ и сака да го доведе на „Сан Сиро“. Француските медиуми истакнуваат дека Паоло Малдини веќе имал начелен разговор со Ванда Нара, сопругата на Икарди која е и негов агент. Аргентинецот би можел да пристигне на „Сан Сиро“ на едногодишна позајмица за 10 милиони евра, со опција за комплетно откупување на договорот за 40 милиони евра.
Икарди има договор со Пари Сен Жермен до јуни 2024 година.
