Порто го елиминираше Јувентус во осминафиналето од Лигата на шампионите, но еден од вработените во клубот тоа го „прослави“ на вулгарен начин. Фернандо Саул, човекот кој работи како официјален спикер на натпреварите на Порто, го навредуваше Роналдо преку социјалните мрежи.
„Им се одмаздивме на италијанските лопови за поразот во Базел 1984 година (финалето на Купот на победниците на куповите). Се одмаздивме на свињата Роналдо за се што правеше на „Драгао“. Само чекав да ја видам Долорес и останатите членови на неговото семејство“, напиша спикерот на Порто на Инстаграм.
Саул е познат како репортер со жесток јазик. Пред четири години беше суспендиран на еден месец поради коментар во текот на натпреварот против Бенфика.
