Нови проблеми за шпанскиот гигант Реал Мадрид. Еден Азар тукушто почна да игра по повредата, сега покажа позитивни знаци на коронавирусот. Исто така и Бразилецот Кашемиро е позитивен на Covid-19. „Кралскиот“ клуб соопшти дека нови двајца фудбалери се позитивни на коронавирусот по вчерашното тестирање во клубот.
Двајцата фудбалери немаат симптоми, но ќе мора да заминат во двонеделен карантин. Тренерот Зинедин Зидан се надева дека сепак ќе успеат да го надминат коронавирусот и да бидат подготвени за мечот против Интер во Лигата на шампионите, на 25. ноември на „Џузепе Меаца“ во Милано.
