Манчестер Јунајтед оствари многу важна победа на гости против Евертон (1-3) што малку ќе ја олабави напнатата ситуација со менаџерот Оле Гунар Солскјер. Норвежанот може послободно да дише откако „црвените ѓаволи“ реагираа победнички по раните од ЛШ.
Бернард донесе предност за Евертон во 19.минута, но Бруно Фернандеш со два гола во период од седум минути донесе пресврт до полувремето. Конечниот епилог го постави Единсон Каваи со деби голот за Јунајтед во судиското продолжение од мечот.
