Англискиот премиерлигаш Манчестер Јунајтед во следните триесетина дена нема да може да смета на левиот бек Лу Шо. Тој заработи повреда на бутниот мускул на саботниот меч против Евертон кој „црвените ѓаволи“ го добија со 1-3.
Деталните лекарски прегледи покажаа дека Лук Шо има сериозно истегнување на бутниот мускул и дека ќе мора да мирува четири седмици. Менаџерот Оле Гунар Солскјер вели дека фудбалерите едноставно имаат огромни напори и затоа доаѓаат и повредите. Левиот бек имал седум натпревари во период од 22 дена.
