Прв одложен меч во Премиер – лигата: Коронавирусот го изолира Њукасл, дуелот со Астон Вила ќе почека

Премиер – лигата одлучи да го одложи натпреварот меѓу Астон Вила и Њукасл кој требаше да се одигра в петок. Поради пандемија на коронавирус во составот на Њукасл и неколку заболени фудбалери и членови на стручниот штаб, сите останати се во изолација и ќе мораат да останат најмалку десет дена.

Од овие причини, на барање на Њукасл раководството на Премиер – лигата сепак реши да го одложи натпреварот со Астон Вила. Новиот термин за одигрување на натпреварот ќе биде одреден дополнително.