Аргентинскиот интернационалец Пауло Дибала на крајот од сезоната речиси сигурно ќе го напушти Јувентус. Тој не успеа да се договори со раководството на клубот за продолжување на договорот, а на лето ќе влезе во последната година од актуелниот. Ова значи дека „старата дама“ ќе мора да го продаде, а агентите на Дибала наголемо преговараат со англиските премиерлигаши.
Засега Дибала е на крстопат дали да замине кон Лондон или кон Манчестер. Челси и Тотенхем се најзаинтересирани да го доведат Дибала, но во трката се и Манчестер Јунајтед и Манчестер Сити. Во летниот преоден рок неговата отштета ќе биде околу 40 милиони фунти, што воопшто не е пречка за најбогатите англиски клубови.
