Преговорите за продолжување на договорот на Серхио Рамос со „кралскиот клуб“ се уште траат. Во пресрет на важниот меч против Борусија Менхенгладбах за пласман во нокаут фазата во Лигата на шампионите, капитенот Серхио Рамос треба да се врати во тимот, но нема донесено конечна одлука околу иднината. Неговиот договор истекува на лето, а двете страни се уште се далеку од договор.
„Марка“ информира дека Реал Мадрид му понудил продолжување на договорот само за една година, до јули 2022 година, а со тоа не се согласува Серхио Рамос. Тој бара најмалку двегодишен договор за да се согласи да остане на „Сантијаго Бернабеу“. Во спротивно, би можел да ја прифати понудата на ПСЖ за договор на три сезони и 12 милиони евра годишна плата.
