Манчестер Сити оствари рутински триумф (2-0) против Њукасл на домашен терен. И без Габриел Хесус кој е позитивен на Ковид-19, „граѓаните“ стигнаа до целта. Илкај Гундоган во 15.минута донесе водство за тимот на Пеп Гвардиола, а Феран Торес во 55.минута зголеми на 2-0. Имаа уште неколку шанси домашните фудбалери, но застанаа на два постигнати гола.
Евертон лета високо и со победата (0-1) на гости против Шефилд Јунајтед се доближи на само два бода негатива од лидерот Ливерпул. Гилфи Сигурдсон во 80.минута беше стрелец на победничкиот погодок за тимот на Карло Анчелоти.
