Поранешниот хрватски фудбалер Иван Класниќ ќе добие 4 милиони евра отштета откако го доби судскиот спор против докторот на Вердер кој не забележал дека има сериозни проблеми со бубрезите. Класниќ пред 13 години покрена тужба против долгогодишниот доктор на фудбалскиот клуб Вердер, Гец Димански, кој не успеал да открие дека има сериозна аномалија на бубрезите.
Класниќ тогаш бил испратен на рутинска операција на слепото црево. Двапати бил прегледан од клупските лекари кои не забележале дека фудбалерот има сериозен проблем со бубрезите.
Поради заболувањето Класниќ мораше да стави крај на кариерата, а истотака долг период водеше и животна битка за трансплантација на бубрегот.
