Италијанскиот калчолигаш Милан е подготвен да го врати Мауро Икарди во Серија А и да оформи супер-тандем со Златан Ибрахимовиќ кој би ги водел „росонерите“ кон скудетото. Икарди немаше голема минутажа кај Томас Тухел во дресот на ПСЖ, а најавите се дека ниту Маурисо Покетино нема да смета премногу на Аргентинецот.
Ова го насетува потпретседателот на Милан, Паоло Малдини, кој стапил во контакт со спортскиот директор Леонардо, кој е негов голем пријател од периодот додека двајцата беа на „Сан Сиро“ и побарал да го добие Икарди на позајмица.
Зделката би значела дека Мауро Икарди ќе пристигне на позајмица во Милан до крајот на сезоната за 10 милиони евра, а италијанскиот клуб ќе добие и клаузула комплетно да го откупи договорот за дополнителни 40 милиони евра по завршувањето од сезоната.
