Милан „гази“ во Серија А. Најнова жртва е Беневенто, а „росонерите“ успеаја да слават и со играч помалку со 0-2.
Франк Кеси од пенал донесе водство за Милан во 15.минута, а тимот на Стефано Пиоли остана со играч помалку во 34.минута по исклучувањето на Сандро Тонали. Сепак, Рафаел Леао на стартот на вториот дел постигна втор гол за Милан и ја осигура победата.
Беневенто во 61.минута не искористи пенал. Џанлука Капрари го промаши целиот гол.
Милан сега повторно е лидер со 37 бода, еден повеќе од градскиот ривал Интер.
