Напаѓачот на Ливерпул, Дивок Ориги, многу веројатно ќе го напушти „Енфилд Роуд“ во зимскиот преоден рок. Тој има план да ја напушти и Англија и неговата следна дестинација треба да биде Италија.
Во трка за напаѓачот се италијанските калчолигаши Интер и Милан. Конте смета дека Ориги би бил одлична замена за Ромелу Лукаку, додека „росонерите“ сакаат да го искористат како квалитетна замена за Ибрахимовиќ.
Ориги речиси и да не добива минутажа од Јирген Клоп во составот на Ливерпул, а сака да се наметне за репрезентацијата на Белгија за настап на Европското првенство.
