Турскиот интернационалец Мерих Демирал не е задоволен од статусот во Јувентус и сака да го напушти италијанскиот калчолигаш во зимскиот преоден рок. Тој сака поголема минутажа во пресрет на Европското првенство за да може да се наметне за настап во репрезентацијата на Турција. Тоа Андреа Пирло не може да му гарантира и дефанзивецот е подготвен да замине од Торино.
Во игра за неговиот потпис влегува Ливерпул. Менаџерот Јирген Клоп бара квалитетен одбранбен фудбалер со оглед на проблемите што ги има во дефанзивната линија, а Демирал е таков калибар. Јувентус за него бара 45 милиони евра, а Ливерпул би сакал да го добие на позајмица до крајот на сезоната.
