Италијанскиот калчолигаш Парма одлучи да го врати Роберто Д’Аверса, тренерот со кој се раздели во август. На негово место дојде Фабио Ливерани, но и тој не издржа премногу долго на тренерското столче на овој клуб. Сега раководството одлучи да му даде нова шанса на Д’Аверса.
Тој го водеше тимот од Серија Д до Серија А, а во август мораше да замине поради лоша атмосфера во соблекувалната. Сепак, челниците на Парма веруваат во неговите квалитети и очекуваат тимот да тргне во позитивна насока со неговото враќање на клупата.
