Фудбалерите на Реал Мадрид останаа заглавени во авион непосредно пред полетувањето за Памплона каде утревечер треба да го одиграат мечот против Осасуна од претстојното коло во Ла Лига. Поради големите снежни врнежи „кралевите“ одлучија вечерва да летаат за Памплона наместо утре изутрина, но замрзнатата писта не дозволи авионот веднаш да полета.
„Кралевите“ повеќе од два часа се во авион и чекаат дозвола за полетување. Доколку не успеат да стигнат навреме, можно е натпреварот да биде поместен за в недела во претпладневните часови. Зимата сериозно ја „нападна“ Шпанија и најголем дел од територијата е под снежни наноси.
