Реал Мадрид ја потврди својата фаворитска улога со минимална победа од 0-1 на гостувањето кај Хетафе, во деветтото коло од Ла Лига.
„Кралевите“ долго време се мачеа да го пробијат цврстиот бедем на домаќинот, а тоа конечно им успеа во 80. минута. Хетафе остана со играч помалку само една минута порано по исклучувањето на Алан Ниом, а Арда Ѓулер му подготви шанса на Мбапе која тој ја реализираше.
Потоа Хетафе остана и со деветмина по вториот жолт картон на Алекс Санчриз.
Фудбалерите на Чаби Алонсо со овој триумф ќе го дочекаат „Ел Класико“ во одлична атмосфера. Реал Мадрид ја задржа предноста од два бода во однос на Барселона и останува на врвот на табелата.
