Шкупи го забележа и седмиот пораз од стартот на сезоната, еден од нив со службен резултат поради непојавување на натпреварот со Силекс. Првпат оваа сезона Шкупи играше на својот стадион Чаир, но тоа немаше некој посебен резултатски ефект, затоа што Македонија ЃП славеше лесно со головите на Осеи и на Христов.
По натпреварот, фудбалерите на Шкупи, заминаа на „пеење“ кај „Шверцери“. Навивачите се незадоволни од поразите и побараа од фудбалерите да ги соблечат дресовите, затоа што не заслужуваат да ги носат, поради поразите.
