Connect with us

Белули: Арсими, со поддршка од навивачите, може до победа против Силекс

По ремито против шампионот Шкендија во Тетово, екипата на Арсими ја посакува првата домашна победа. Овојпат против квалитетниот тим на Силекс, во натпревар кој ќе се одигра во рамките на 4. коло од Прва МФЛ.

Еден од најистакнатите играчи од средниот ред на Арсими, Малиќ Белули, зборува со почит, но и со оптимизам за претстојниот дуел.

„Свесни сме дека не очекува многу тежок натпревар против квалитетен противник каков што е Силекс. Знаеме дека ќе биде голем предизвик, но нашиот тим работеше со посветеност во изминатиот период и сме максимално мотивирани да дадеме сè од себе на теренот.“

Белули дополнително истакнува дека екипата смета на силната поддршка од своите верни навивачи:

„За нас е важно да прикажеме дисциплинирана игра и да се бориме до последниот свиреж за позитивен резултат. Ги повикуваме навивачите да бидат со нас, затоа што заедно со нив веруваме дека можеме да ги оствариме нашите цели и да ја завршиме оваа фаза со позитивен резултат.“

Натпреварот Арсими – Силекс ќе се одигра денеска на Градскиот стадион во Гостивар, со почеток од 16:30 часот.

Advertisement
Advertisement
Advertisement

Facebook

Тимови