Македонија ЃП во третото коло од Првата МФЛ гостува во Кратово. Во првите две кола „лавовите“ доживеаа порази против Струга ТЛ односно Шкендија, па на третиот дуел ќе се обидат да стигнат до првите бодови.
Распоредот за Македонија ЃП сезонава воопшто не е лесен, барем на стартот. Во три кола се сретнаа со три екипи кои имаат високи амбиции.
„Тоа е точно, распоредот не ни е најлесен, но тоа не е никакво алиби, за евентуален нов неуспех. Напротив, доста беа порази. Одиме во Кратово по поволен резултат. Нема што тука премногу да се дискутира. Не бевме комплетни ниту во Струга, ниту против Шкендија, полека екипата ги вбројува и оние кои недостасуваа. Па така, мислам дека е вистинско време за наш добар резултат. Да покажеме дека сме добар тим, воигран тим кој сезонава ќе игра битна улога во домашниот шампионат“, изјави Ѓорѓи Стоилов за официјалиот сајт на ФФМ.
Мечот во Кратово меѓу Силекс и Македонија ЃП започнува во 17 часот.
