Манчестер Јунајтед и Њукасл испратиле официјални барања до Пари Сен Жермен за можноста да го ангажираат напаѓачот Рандал Коло Муани, пренесува француското издание „Footmercato“.
Двата англиски клуба активно бараат алтернатива за Хуго Екитике, кој најверојтно ќе потпише за Ливерпул, а 26-годишниот француски репрезентативец се наметнува како водечка опција.
Коло Муани имаше солидна сезона во Јувентус, каде на позајмица постигна осум голови на 19 натпревари за „бјанконерите“. Италијанскиот клуб има интерес да го задржи, но ПСЖ има јасна намера да го продаде играчот наместо повторно да го прати на позајмица.
Коло Муани прејде во ПСЖ летото 2023 година за 76,4 милиони фунти, откако постигна 26 голови на 50 натпревари за Ајнтрахт Франкфурт во сезоната 2022/23. Сепак, во Париз не успеа да се наметне – во првата половина од сезоната 2024/25 одигра само 10 меча во Лига 1, претежно како замена, пред да замине на позајмица во Јувентус.
