Шкупи доведе голман од Германија

Македонскиот прволигаш Шкупи продолжува со промоција на нови засилувања за претстојната сезона. Максимилијан Гроте, 22-годишниот германски голман е нов член на тимот од Чаир.

Тој ги минал младинските категории на Мајнц 05 и СВ Вехен Висбаден, а има сениорско искуство во Енгерс 07 и Рот-Вајс Кобленц, каде забележал над 40 настапи.

„Макс очекуваме да носи сигурност, смиреност и стабилност на нашиот гол“, истакнуваат од Шкупи.