Француската ѕвезда на Реал Мадрид, Килијан Мбапе, би можел да се врати на теренот за третиот натпревар на „кралевите“ на Светското клупско првенство против Салцбург, кој се игра во четврток. Тоа го најави тренерот на Реал, Чаби Алонсо, по победата со 3-1 над Пачука во неделата.
Мбапе ги пропушти првите два натпревари на Реал поради стомачни проблеми. Дури накратко беше хоспитализиран, но сега е веќе пуштен од болница и се чувствува подобро.
„Го очекуваме назад. Ќе ја следиме неговата состојба од ден на ден“, изјави Алонсо.
Реал Мадрид има потреба од само еден бод против Салцбург за да обезбеди место во осминафиналето на турнирот.
