Возбудливото дерби меѓу Бока Јуниорс и Бенфика во рамките на Светското клупско првенство заврши без победник – 2:2. Аргентинците рано стекнаа предност од два гола, но португалскиот гигант се врати во натпреварот, и покрај тоа што играше со играч помалку во последната четвртина од мечот. Судискиот биланс: два црвени картони – по еден за двете страни.
Бока Јуниорс го започна натпреварот многу поенергично и веќе во 21. минута поведе преку Мигуел Мерентиел. Само шест минути подоцна, Батаља со прецизен удар со глава ја удвои предноста – 2-0.
Сепак, Бенфика не се предаде. Во последните минути од првото полувреме доби пенал, а искусниот Анхел Ди Марија сигурно го реализираше за 2-1 и врати надеж за португалскиот тим.
Во 72. минута, Белоти направи груб прекршок и беше исклучен, оставајќи ја Бенфика со играч помалку на теренот. Но, и со еден фудбалер помалку, тимот од Лисабон израмни на 2-2 – Отаменди погоди со глава по прекин во 84. минута.
Наместо да ја искористат бројната предност, играчите на Бока паднаа под притисок. Фигал направи несоодветен старт во 88. минута и исто така доби директен црвен картон, со што и двете екипи мечот го завршија со по десетмина фудбалери.
Фламенго го совлада тимот на Есперанс од Тунис со 2-0. Головите ги постигнаа Де Араскета во 17. и Луис Араухо во 70. минута.
