Фудбалерот на Манчестер Јунајтед, Алехандро Гарначо, изгледа решил да го одбие интересот од странските клубови, бидејќи младиот Аргентинец претпочита да остане во Премиер – лигата.
22-годишниот фудбалер има намера да остане во Англија. Оваа вест претставува удар за Ерик тен Хаг и неговиот нов клуб Баер Леверкузен, кои се надеваа дека ќе го убедат крилниот напаѓач да се пресели во Бундес-лигата.
Раководството на Челси ќе биде задоволно од последниот развој на настаните, бидејќи токму тие се најсериозниот кандидат за потписот на Гарначо.
Астон Вила исто така покажува интерес, додека Наполи и Атлетико Мадрид веројатно ќе бидат разочарани.
Манчестер Јунајтед одреди висока отштета од 70 милиони фунти за младиот офанзивец. Сепак, клубовите може да се обидат да ја намалат цената, со оглед на тоа што новиот менаџер на „црвените ѓаволи“, Рубен Аморим, јасно дал до знаење дека Гарначо не влегува во неговите планови за сезоната 2025/26.
