Штутгарт е вториот финалист во Купот на Германија и во битката за трофејот ќе се сретне со сензацијата Арминија Билефелд која синоќа го елиминира Баер Леверкузен. Штутгарт вечерва го победи Лајпциг со 3-1 и заслужи учество во финалната пресметка во Берлин.
Стилер во петтата минута донесе водство за Штутгарт, а Волтемаде во 57.минута зголеми на 2-0. Бењамин Шешко пет минути подоцна ги врати надежите за Лајпциг, но визата за финале на Штутгарт ја осигура Левелинг со голот во 73.минута од мечот.
