Connect with us

Букајо Сака се врати со гол во триумфот на Арсенал, Еланга го нокаутира „својот“ Јунајтед (ВИДЕО)

Арсенал ја исполни својата мисија, славеше со 2-1 против Фулам на „Емирати“ и се зацврсти на второто место во Премиер лигата.

Арсенал поведе преку Мерино во 37. минута, а Сака ја потврди победата во 73. минута, реализирајќи по асистенција на Мартинели. Ова беше совршено враќање за англискиот репрезентативец, кој само седум минути по влегувањето во игра најде пат до мрежата, 101 ден по неговиот последен настап.


Почесниот погодок за Фулам го постигна Родриго Муниз во 94. минута.

Нотингем Форест цврсто се држи за курсот кон ЛШ откако го победи Манчестер Јунајтед на домашен терен со 1-0. Ентони Еланга, поранешниот играч на „ѓаволите“ му пресуди на Јунајтед на овој меч, постигнувајќи го единствениот гол уште во петтата минута.

Вулверхемптон минимално го совлада Вест Хем со 1-0, благодарение на голот на Јорген Ларсен во 21. минута.

Advertisement
Advertisement
Advertisement

Facebook

Тимови