Нико Вилијамс е многу блиску до договор со Арсенал и тоа наводно му го открил на својот пријател и соиграч од репрезентацијата, Ламин Јамал.
Иако оваа зима имаше контакти со Микел Артета, Нико Вилијамс реши да остане во Атлетик Билбао со цел тимот да се пласира во Лигата на шампионите и да се обиде да стигне до финалето на Лига Европа, кое ќе се игра на „Сан Мамеш“.
Неговата откупна клаузула е 58 милиони евра, сума која Арсенал е подготвен да ја плати, но трансферот ќе мора да почека до летото 2025, кога Вилијамс ќе биде подготвен за промена на средината.
Барселона, која исто така беше поврзувана со Вилијамс, се чини дека се повлекува од трката, бидејќи формата на капитенот Рафиња значително се подобри. Ханси Флик следната сезона ќе може да смета на Рафиња, Ламин Јамал и Феран Торес, а главен приоритет на Барса ќе биде доведување на напаѓач кој ќе биде конкуренција на Роберт Левандовски, кој во 2025 година ќе наполни 37 години.
