Манчестер Сити запиша сигурен триумф од 4-0 (3-0) против Њукасл Јунајтед во натпревар од 25. коло во Премиер лигата. Домашниот тим доминираше од самиот почеток, а блескава партија одигра новото засилување Омар Мармуш, кој постигна хет-трик во првото полувреме.
Египетскиот напаѓач ги затресе мрежите на противникот во 19., 27. и 33. минута, носејќи голема предност за „граѓаните“ пред паузата. Во второто полувреме, Манчестер Сити ја контролираше играта, а конечниот резултат го постави Џејмс Мекати со гол во 84. минута.
Со оваа победа, тимот на Пеп Гвардиола се искачи на четвртото место на табелата со 44 освоени бода, додека Њукасл остана на седмата позиција со три бода помалку.
На останатите натпревари се постигнати следните резултати:
- Фулам – Нотингем Форест 2-1
- Борнмут – Саутемптон 3-1
- Брентфорд – Вест Хем 1-0
- Астон Вила – Ипсвич Таун 1-1
