Миовски одигра неколку минути по повредата, Џирона загуби дома од Хетафе

Македонскиот репрезентативец Бојан Миовски влезе како замена во последните неколку минути, но неговиот тим Џирона загуби (1-2) на домашен терен од Хетафе. Миовски се врати по повредата, влезе во 94.минута и одигра малку во судиското продолжение.

Уче во третата минута донесе водство за Хетафе, а израмни Херера во 54.минута. Сепак, Борха Мајорал со голот во 62.минута, само минута откако влезе во игра, го реши натпреварот во корист на гостите.