Дешамп потврди, Мбапе се враќа во националниот тим на Франција

Ѕвездата на Реал Мадрид, Килијан Мбапе, ќе биде повикан во националниот тим на Франција за претстојните натпревари во март.

Селекторот на „триколорите“, Дидие Дешамп, потврди дека Мбапе ќе биде дел од составот.

„Очигледно ќе биде таму. Зошто да не биде?“ – рече кусо Дешамп, запрашан дали Килијан Мбапе ќе биде во составот за следните натпревари.

Во март, Франција ќе се соочи со Хрватска во четвртфиналето на Лигата на нациите.