Централниот дефанзивец на Манчестер Сити, Мануел Аканџи, може да го пропушти остатокот од сезоната поради повреда. Швајцарскиот фудбалер се здоби со повреда која ќе бара неколкумесечна рехабилитација.
Повредата ја доби на последниот плејоф натпревар од Лигата на шампионите против Реал Мадрид, каде „граѓаните“ загубија со 2-3. Тој мораше да биде повлечен од игра на полувремето од дуелот против Реал.
Клубот сè уште нема издадено официјално соопштение за состојбата на играчот, но ова дефинитивно ќе биде уште еден голем удар за менаџерот Пеп Гвардиола.
