Порто и Рома одиграа возбудливо дерби во Лигата на Европа, кое заврши без победник (1-1), оставајќи сè отворено за реваншот на „Олимпико“.
Мечот беше динамичен, со многу шанси и жестоки дуели, што резултираше со бројни жолти картони. Рома имаше повеќе можности, но ќе биде ослабена во реваншот бидејќи Салемакерс ќе биде суспендиран. Челик донесе водство за Рома пред паузата, а Порто израмни преку Моура во 67. минута.
Галатасарај доживеа вистинска катастрофа во Лигата на Европа, губејќи со 4-1 на гостувањето кај АЗ Алкмар. Мијнајс, Парот, Класи и Волфе погодија за холандскиот тим, додека Салаи беше единствениот стрелец за турскиот гигант. Галата го загуби Ајхан, кој доби црвен картон.
Во балканското дерби, ФЦСБ приреди изненадување со победа од 2-1 на гости кај ПАОК. Домаќините поведоа со голот на Самата, но Романците направија пресврт преку Георгита и Дава.
Твенте славеше драматична победа над Бодо Глимт (2-1). Лтаиф постигна гол за Твенте, Берг израмни за гостите пред крајот, но Ван Волфсвинкел донесе победа од пенал во судиското продолжение.
