Роберто Фирмино пред неколку дена постигна гол со „ножички“ во Лигата на шампиони во Азија, но денес тренерот одлучи да го изостави од тимот за вториот дел од сезоната.
Имајќи го во предвид пристигнувањето на Вендерсон Галенo од Порто во Ал-Ахли, клубот од Саудиска Арабија мораше да избере кој странски играч ќе биде изоставен од составот за вториот дел од сезоната.
Тренерот Матијас Јајсле реши дека Фирмино ќе биде оној кој ќе го пропушти остатокот од сезоната во Саудиска Арабија.
Тој ќе има право на настапи само во Лигата на шампиони во Азија.
„Одлуката беше тешка. Го цениме, се однесуваше професионално. Тој сè уште е еден од лидерите“, изјави Јајсле.
Роберто Фирмино оваа сезона одигра 25 натпревари за Ал-Ахли и постигна девет голови.
