Најтрофејниот македонски клуб Вардар го официјализира трансферот на Касим Роџерс Мато, кој од денеска е нов член на „црвено-црните“. Дваесет и едногодишниот крилен напаѓач пристигнува од Брера, каде што се истакна со одлични настапи во првиот дел од сезоната, добивајќи репутација како еден од најдобрите играчи на теренот.
Договорот меѓу Вардар и Мато е официјализиран во Анталија, каде што тимот се наоѓа на подготовки. Тој веќе се приклучи во работата со составот на Гоце Седлоски.
