Во таборот на Брегалница огромна е желбата за продолжување на извонредниот старт на сезоната. Во 4. коло од Втората лига – Исток, в недела (15. септември) „сините“ гостуваат на Саса во Македонска Каменица носени од императивот за нови три бода.
„Добро е познато дека наша цел е на секој натпревар да одиме на победа. Така ќе биде и на неделниот натпревар против Саса во Македонска Каменица. Знаеме дека домаќините играат цврсто пред својата публика, а знаеме и дека секој противник е дополнително мотивиран кога игра против Брегалница“ – вели шефот на стручниот штаб на Брегалница, Добринко Илиевски, притоа дополнувајќи:
„Саса е екипа составена од искусни, но и млади перспективни фудбалери, предводени од искусниот стратег Мите Митев. Верувам дека се добро подготвени носени од желбата да дојдат до позитивен резултат против нас, но ние сакаме да ја продолжиме низата на победи и од ова гостување да се вратиме со трите бода“.
Струмичанецот Ристе Сејменов ќе биде главен делител на правдата на натпреварот, а ќе му помагаат Методи Јорданов и Јордан Ѓоргиев од Кочани. Четврти судија ќе биде Спире Арсов, исто така од Кочани. Делегат на натпреварот ќе биде Ацо Алексоски од село Долнени, а контролор Бурхамедин Салихи од Куманово.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski