Работнички го продаде Мазари, но веднаш објави „бомба“ и го доведе Анес Рушевиќ

Работнички се пресели на подготовки во Медулин, Хрватска, а веднаш реагираше и по трансферот на Атдхе Мазари во Вараждин. Нов играч на „романтичарите“ е Анес Рушевиќ, српскиот крилен напаѓач кој всушност се враќа во редовите на Работнички, откако првиот пат остави одличен впечаток.

Со тоа Работнички покажува дека ќе стори сѐ да има квалитетен ростер за продолжението од сезоната, кога ќе се бори за шампионската титула. По првиот дел од сезоната, тимот од Дебар Маало е во водечкото трио на табелата во Првата фудбалска лига.