Раководството на Манчестер Јунајтед донесе одлука да го блокира секој обид од друг клуб во Премиер – лигата за ангажирање на Маркус Рашфорд во текот на овој месец. Клубот активно бара купувач за напаѓачот, кој очигледно повеќе не се вклопува во плановите на Рубен Аморим.
Се појавија гласини дека клубови од Премиер – лигата како Арсенал, Челси, Тотенхем и Вест Хем би можеле да се обидат да го ангажираат Рашфорд, но од „Олд Трафорд“ нема да дозволат таков трансфер. Дваесеткратниот шампион е подготвен на договор само со странски клуб.
Милан останува голем фаворит за доведување на 27-годишниот напаѓач. Агентот на играчот сè уште е во Италија за да ја забрза реализацијата на трансферот.
Раководството на „росонерите“ треба да донесе одлука дали претпочита да го доведе Рашфорд или десниот бек на Манчестер Сити, Кајл Вокер, бидејќи клубот не може да си ги дозволи платите на двајцата.
Каталонските медиуми тврдат дека сè уште постои можност и Барселона да се вклучи во борбата за Рашфорд.
