Квича Кварацкелија е нов играч на Пари Сен Жермен. Францускиот шампион ќе му плати на Наполи 70 милиони евра за трансферот, а грузискиот офанзивец ќе потпише петгодишен договор.
Оваа сезона, Кварацкелија има одиграно 19 натпревари, постигнувајќи пет голови и асистирајќи за три погодоци на Наполи.
Кварацкелија пристигна во Наполи од Динамо Батуми во јули 2022 година за 13,3 милиони евра. Во својата кариера, тој исто така играше и за Динамо Тбилиси, Рустави, Локомотив Москва и за Рубин Казан. Со Наполи во 2023 година ја освои титулата шампион на Италија и беше еден од најдобрите офанзивци во Европа.
